8 декабрь, Кесе йома

19 ғинуар 2011 йыл, 13:29

Рөстәм Хәмитов республиканың Олимпия советын етәкләне

автор: Дмитрий Слезин

19 ғинуарҙа Рөстәм Хәмитов Башҡортостан Республикаһының Олимпия советын етәкләне. Был спорттың олимпия төрҙәрен үҫтереү менән шөғөлләнеүсе төбәк йәмәғәт ойошмаһы.

Ойошма уставында билдәләнеүенсә, Башҡортостандың Олимпия советын ойоштороуҙың төп маҡсаттары төбәктә олимпия хәрәкәтенә ярҙам итеү, уның граждандарын физик һәм рухи тәрбиәләүгә булышлыҡ итеү менән бәйләнгән.  

Төбәк Олимпия советы Рәсәй Олимпия комитеты уставына ярашлы эш итә.

Йәмәғәт ойошмаһы алдына бер нисә стратегик бурыс ҡуйылған: Башҡортостан йыйылма командаларының Бөтә Рәсәй һәм халыҡ-ара ярыштарында уңышлы сығыш яһауын тәьмин итеү, Башҡортостан спортсыларының мәнфәғәттәрен яҡлау һәм допингка ҡаршы көрәш, тип хәбәр итә республика башлығы матбуғат хеҙмәте.  

темалар: олимпизм