8 декабрь, Кесе йома

17 ғинуар 2011 йыл, 14:02

Шаран районында яңы АЗС асылды

автор: Рәил Мусин

Шаран ауылы менән Туймазы ҡалаһын тоташтырыусы автомобиль трассаһынан Октябрьский ҡалаһына, шулай уҡ уның аша Һамар, Тольятти йәки Ҡазанға барыусы транзит автотранспорты ла файҙалана. Бихисап Шаран районы халҡы көн һайын иртән Туймазы ҡалаһына эшкә юллана һәм кисен кире әйләнеп ҡайта. Еңел автомобилдәр паркы ла районда йыл һайын һиҙелерлек тулылана. Һәм бығаса Шаран ауылында ғына яғыулыҡ ҡойорға мөмкин ине.

Хәҙер был юлдағы Салмалы ауылында районда беренсе шәхси автозаправкалау станцияһы асылды.

Автоһәүәҫкәрҙәр был АЗС-ты яратып та өлгөрҙө, сөнки бер литр бензин хаҡы бында бер һумға тиерлек арзаныраҡ.  

Яңы заправка асылыуы арҡаһында өлөшләтә мәшғүллек мәсьәләһе лә хәл ителгән — объектта биш кеше эш менән тәьмин ителгән.