11 декабрь, Йәкшәмбе

17 ғинуар 2011 йыл, 9:51

Рәсәй һәм Франция ғалимдары Өфөлә Рәсәй иҡтисады мәсьәләләрен тикшерәсәк

автор: Светлана Ғәфүрова

17 ғинуарҙан 21-нә тиклем Өфөлә Рәсәй иҡтисадының аҡса-финанс проблемалары буйынса Рәсәй-Франция семинарының сираттағы сессияһы үтәсәк. Семинар Башҡорт дәүләт университета базаһында үткәрелә.  

Рәсәйҙән һәм Франциянан финанс өлкәһендәге ҙур белгестәр Рәсәйҙең 2010 йылдағы социаль-иҡтисади үҫеш йомғаҡтарын, бөтә донъя валюта-финанс баҙары проблемаларын һәм перспективаларын, Рәсәй иҡтисадының башҡа мөһим мәсьәләләрен тикшерәсәк.

Сара барышында семинарҙы ойоштороусыларҙың Башҡортостандың дәүләт власы органдары вәкилдәре һәм Өфө ғилми үҙәге етәкселеге менән осрашыуҙары планлаштырыла.