4 декабрь, Йәкшәмбе

13 ғинуар 2011 йыл, 15:23

Башҡортостан башлығы блогтар уҙышында Президент вәкиленән алда бара

автор: Евгений Рәхимҡолов

Башҡортостан башлығы Рөстәм Хәмитов 2010 йылда Рәсәйҙең иң популяр блогерҙары иҫәбенә инде. «Йәнле журнал»дағы уның бите цитаталар килтереү буйынса Рәсәй Президентының Үҙәк федераль округындағы Тулы хоҡуҡлы вәкиле Георгий Полтавченко, Астрахань өлкәһе губернаторы Александр Жилкин, Киров өлкәһе Хөкүмәте рәйесе урынбаҫары Мария Гайдар һәм башҡа ҙур сәйәси эшмәкәрҙәр блогтарынан алда бара. Был мәғлүмәттәрҙе «Медиалогия» компанияһы килтерә.

Күп кенә күренекле сәхнә кешеләре лә Рөстәм Хәмитовтан ярайһы уҡ ҡалыша. Мәҫәлән, билдәле актер һәм драматург Евгений Гришковец һәм популяр телевизион тапшырыуҙар алып барыусы Тина Канделаки.

Рәсәй блогерҙары лидеры – ил Президенты Дмитрий Медведев. Ул йәмәғәт эшмәкәре Алексей Навальныйҙан күпкә алда бара. Өсөнсө урынды Тверь өлкәһе губернаторы Дмитрий Зеленин яуланы.