Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.52 ↓

EUR 62.09 ↑

24 март, Йома

Уфа   °

Башҡортостанда ике ауыл советы үҙенең «резиденцияһын» алмаштырасаҡ

Сәйәсәт

Башҡортостандың Күгәрсен районында ике ауыл советы тиҙҙән үҙенең хакимиәт үҙәген алмаштырасаҡ. Тейешле закон проектын шаршамбы көндө Урындағы үҙидара һәм йәмәғәт берләшмәләре буйынса комитет ултырышында БР Дәүләт Йыйылышы – Ҡоролтай депутаттары хупланы. Новопетровское ауыл советы — Сәйетҡолға, ә Теләүембәт ауыл советы Тәүәкән ауылына күсәсәк, тип күҙаллана.

Комитет рәйесе Рөстәм Күзбәков һүҙҙәренсә, ауыл советы «резиденцияларын» күсереү инициативаһы менән депутаттарға Күгәрсен районы хакимиәте мөрәжәғәт иткән. Күсеү кәрәклеге ауыл советтары күсәсәк ауылдарҙа эш өсөн уңайлыраҡ шарттар тыуҙырылыуы менән аңлатыла.  

— Урындағы халыҡ хакимиәт үҙәктәрен күсереүгә бәйле бер ниндәй ҙә ризаһыҙлыҡ белдермәне, — ти Рөстәм Күзбәков. — Закон проектын тикшереүгә сығарыу менән бәйле район халҡынан бер ялыу ҙа килмәне. Бынан тыш, икенсе ауылға күсеү кадрҙар һайлау менән ауырлыҡтар тыуҙырмаясаҡ. Ауыл советтары хеҙмәткәрҙәре тулы составта йәшәгән урынын алмаштырырға әҙер.

Был закон проекты беренсе уҡыуҙа тикшереүҙе үтте һәм икенсе тапҡыр ҡараласаҡ.  

Яндекс цитирования
Рейтинг ресурсов "УралWeb" -->
закрыть