4 декабрь, Йәкшәмбе

11 ғинуар 2011 йыл, 16:00

Йәш ғалимдар сит илдә стажировка үтәсәк

автор: Руфина Хананова

Башҡортостандың Йәш ғалимдар союзы 2011 йылда AIESEC халыҡ-ара йәштәр ойошмаһы төбәк бүлексәһенең халыҡ-ара программаларҙа ҡатнашыу тураһында тәҡдимен хупланы.    

Стажировкалар түбәндәге йүнәлештәр буйынса үткәрелә: иҡтисад, идара итеү, мәғариф өлкәһендә, шулай уҡ социаль һәм техник программалар буйынса.  

Уларҙа һуңғы курс студенттары һәм эш тәжрибәһенә эйә булған һәм инглиз телен белгән белгестәр ҡатнаша ала. Һәр ҡатнашыусыға халыҡ-ара стажировкаға барыу өсөн кәрәкле тәжрибәне һәм уның мотивацияһын билдәләйәсәк һайлап алыу этаптарын үтергә кәрәк буласаҡ. Бынан һуң кандидат уҡыу һәм үҙе стажировка үтәсәк ойошма менән танышыу осорон үтәсәк. Халыҡ-ара тәжрибәгә эйә булыу өсөн донъяның 107 иленең береһенә барырға мөмкин.  

Халыҡ-ара стажировкалар программаһы йәш ғалимдарға Рәсәйҙә эшләгәндә уңышлы ҡулланырға мөмкин булған сит ил методикаһын һәм тәжрибәһен өйрәнергә ярҙам итәсәк.  

AIESEC – ул йәмғиәтте үҫтереүгә үҙ өлөшөн индереү маҡсатында үҙ потенциалын асырға һәм үҫтерергә мөмкинлек биреүсе иң ҙур халыҡ-ара студенттар ойошмаһы.