9 декабрь, Йома

29 декабрь 2010 йыл, 13:01

Әнүәр Мәхмүтов Башҡортостан Президенты Хакимиәте Етәксеһе итеп тәғәйенләнде

автор: "Башинформ"

Республика Президенты Рөстәм Хәмитов үҙ Указы менән Әнүәр Мәхмүтовты Башҡортостан Президенты Хакимиәте Етәксеһе итеп тәғәйенләне.

Әнүәр Әнәс улы Мәхмүтов 1955 йылдың 26 сентябрендә Өфөлә тыуған. Юғары белемле – Ломоносов исемендәге Мәскәү дәүләт университетын тамамлаған.

1979-1985 йылдарҙа – СССР Фәндәр академияһы Башҡортостан филиалының физика һәм математика бүлеге стажер-тикшеренеүсеһе, кесе ғилми хеҙмәткәре.

1985-1996 йылдарҙа – хәрби хеҙмәттә.

1996-2005 йылдарҙа – Өфө ҡала хакимиәте башлығы ярҙамсыһы.  

2006-2010 йылдарҙа – Өфө ҡалаһы ҡала округы хакимиәтенең төп белгесе — хакимиәт башлығы ярҙамсыһы.

2010 йылдың декабренән әлеге ваҡытҡа тиклем – Башҡортостан Республикаһы Президенты Хакимиәте Етәксеһе урынбаҫары.

***

Республика башлығының икенсе Указы менән Николай Курапов, икенсе эшкә күсеү сәбәпле, БР Президенты Хакимиәте Етәксеһе вазифаһынан бушатылды.

Ул Башҡортостан Президенты советнигы итеп тәғәйенләнде.