4 декабрь, Йәкшәмбе

24 декабрь 2010 йыл, 17:50

Дмитрий Медведев муниципалитеттарҙы «таҙартыуға» саҡырҙы

автор: Евгений Рәхимҡолов

Рәсәй Президенты Дмитрий Медведев Яңы йыл алдынан биргән интервьюһында муниципалитеттар араһында «таҙартыу» үткәрергә саҡырҙы. Уның фекеренсә, был түрәлектең коррупцияға иң ныҡ бирелгән секторы.  

— Федераль властар был йәһәттән таҙараҡ, — тине дәүләт башлығы. – Төбәк властары араһында ла лайыҡһыҙ кешеләр һирәк осрай. Ә бына урындағы власть вәкилдәре араһында, дәүләт хеҙмәткәре үтәргә тейешле кодекс урынына, икенсе төрлө кодекс буйынса йәшәгәндәр күп. Шуға күрә урындағы властарҙа «таҙартыуҙар» үткәрергә кәрәк. Шул уҡ мәлдә ҡулға таҙа булмаған чиновниктарҙа бик йыш илебеҙҙең төп сәйәси көсө значоктары һәм билеттары булыу мөмкинлеген иҫтә тотоу зарур. Был уларҙың эштәренә күҙ йоморға тейешлекте аңлатмай. Киреһенсә, уларҙы фаш итергә һәм партия рәтенән ҡыуырға кәрәк.