7 декабрь, Шаршамбы

22 декабрь 2010 йыл, 17:35

Өфөлә торлаҡ ремонтлауға биш миллиард һумды өс йылда тотонғандар

автор: Евгений Рәхимҡолов

Өфөлә 2008 – 2010 йылдарҙа күп фатирлы йорттарҙы капиталь ремонтлау адреслы программаларын тормошҡа ашырыуға биш миллиард һумға яҡын аҡса тотонолған. Был турала шишәмбе көнө ҡала башлығы эргәһендәге кәңәшмәлә Өфө хакимиәтенең ҡаланың йәшәйешен тәьмин итеү буйынса идаралығы начальнигы Андрей Федосов хәбәр итте.

— Был сумманың яртыһын тиерлек Торлаҡ-коммуналь хужалыҡты реформалаштырыуға булышлыҡ итеү фонды средстволары тәшкил итте, — тине ул. – Ҡалған аҡса ҡала, республика бюджеттары, бина хужалары һәм идара итеүсе компаниялар иҫәбенә йәлеп ителде. Программаларҙы бойомға ашырыу 467 күп фатирлы йортто ремонтларға һәм 135 меңдән ашыу кешенең торлаҡ шарттарын яҡшыртырға булышлыҡ итте.