5 декабрь, Дүшәмбе

16 декабрь 2010 йыл, 12:01

«Янғантау» санаторийында 1300 һумға ял итергә мөмкин

автор: Евгений Рәхимҡолов

Рөстәм Хәмитов 16 декабрҙә эш сәфәре барышында «Янғантау» санаторийында булды. Президентҡа күптән түгел шифаханала уртаса етешлектәге кешеләргә иҫәпләнгән тағы ла алты яңы корпус асылыуы хаҡында хәбәр иттеләр.  

Корпустар төп базанан дүрт километр алыҫлыҡта урынлашҡан һәм 100 кешегә тиклем ҡабул итә ала. Башлыса, бында пенсионерҙар, инвалидтар һәм льготаға эйә булған башҡа кешеләр ял итә ала. Улар өсөн йәшәү һәм хеҙмәтләндереүҙәр хаҡы тәүлегенә 1300 һумдан ашмаясаҡ – был ҡалған корпустарҙағыға ҡарағанда ике тапҡырға аҙыраҡ. Бында тәүге ял итеүселәр килгән дә инде. Территорияһында дауалау үҙәге һәм күл урынлашҡан. Процедураларға ял итеүселәрҙе автобуста алып йөрөйҙәр.