8 декабрь, Кесе йома

16 декабрь 2010 йыл, 10:23

Ҡурай Иранда икенсе тыуған ерен тапты

автор: Евгений Рәхимҡолов

Башҡорт халҡының милли музыкаль инструменты иҫәпләнгән ҡурай икенсе ватанын тапты. Был турала шаршамбы көндө «Башинформ» агентлығында үткән матбуғат конференцияһында Башҡортостан Республикаһы мосолмандары Диниә назаратының йәштәр бүлеге етәксеһе Айнур Арсланов хәбәр итте.

— Башҡортостан Республикаһы мосолмандары Диниә назаратының Иранға рәсми сәфәре барышында беҙ был дәүләттең һәр төрлө мәҙәни берекмәләре менән осраштыҡ, — тине ул. – Һәм бығаса башҡорт халыҡ музыкаль инструменты тип иҫәпләнгән ҡурайҙың Иранда киң таралыуын күреүе беҙҙең өсөн көтөлмәгән хәл булды. Шул уҡ ваҡытта Иран музыканттары башҡарған көй-моңдар ҙа башҡорттарҙыҡын хәтерләтә.