5 декабрь, Дүшәмбе

16 декабрь 2010 йыл, 9:04

Иран студенттары Өфөлә уҡыясаҡ

автор: Евгений Рәхимҡолов

Иран студенттары Өфөлә уҡыясаҡ. Был турала шаршамбы көндө «Башинформ» агентлығында үткән матбуғат конференцияһында Иран Ислам Республикаһының Өфө ҡалаһындағы вәкиле Сирус Борзу хәбәр итте.

— Киләһе йылдың ғинуарынан дүрт Иран студенты Аҡмулла исемендәге Башҡорт дәүләт педагогия университетында уҡый башлаясаҡ, — тине ул. – Беҙ быны Иран һәм Башҡортостан араһындағы мөнәсәбәттәр нығыныуына сираттағы аҙым кеүек ҡабул итәбеҙ һәм киләһе йылда уҡ һеҙҙең республикағыҙ студенттары Ирандың алдынғы юғары уҡыу йорттарына уҡырға инә аласаҡ, тип ышанабыҙ.