Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.47

EUR 60.45

25 февраль, Шәмбе

Уфа   °

«Биктырыш» Балалар техник ижад үҙәге тәрбиәләнеүселәре эштәре күргәҙмәһе үтте

Йәмғиәт

Өфөнөң «Ғаилә» сауҙа-күңел асыу үҙәгендә «Мин-Доброволец» федераль проекты сиктәрендә хәйриә акцияһы — «Биктырыш» Балалар техник ижад үҙәге тәрбиәләнеүселәре эштәренән күргәҙмә үтте. Уны ойоштороусылар – «Берҙәм Рәсәй Йәш Гвардияһы» Башҡортостан төбәк бүлексәһе, «Данко» хәйриә фонды һәм «Биктырыш» Балалар техник ижад үҙәге. Күргәҙмә ҡунаҡтары оҙайлы дауалауға мохтаж балалар өсөн 2-се мәктәп-интернатында тәрбиәләнеүселәр булды, шулай уҡ теләүселәр килде.  

— Был сараны ойоштороп, беҙ бер нисә маҡсатты күҙ уңында тоттоҡ: «Биктырыш» Балалар техник ижад үҙәге эштәре күргәҙмәһен тамашасыларға күрһәтеү, оҫтаханалар эштәре, уйындар һәм конкурстар ярҙамында төрлө сиргә дусар балаларҙы социалләштереүҙә ярҙам итеү, йәмәғәтселек һәм киң мәғлүмәт саралары иғтибарын һәләтле балаларға һәм йәштәргә ярҙам итеүгә йәлеп итеү, шулай уҡ сәләмәт йәшәү рәүешен пропагандалау, — тип аңлатты «Йәш Гвардия» активисы Люция Юлуева.

Күргәҙмәгә килгән ҡунаҡтар өсөн Каролина Ричи һәм Midnight бейеү төркөмө ҡатнашлығында концерт программаһы әҙерләнде, ә пират образында алып барыусы балалар менән төрлө конкурстар һәм уйындар  үткәрҙе, уларға бүләктәр таратты.  

Ә «Биктырыш» Үҙәге тәрбиәләнеүселәренең ағастан, туҡыманан, ҡағыҙҙан һәм башҡа материалдарҙан яһаған иң яҡшы эштәренән күргәҙмә айырыуса мауыҡтырғыс тамаша булды.  

Яндекс цитирования
Рейтинг ресурсов "УралWeb" -->
закрыть