8 декабрь, Кесе йома

09 декабрь 2010 йыл, 12:57

Экология министрлығы уҙып барыусы йылға йомғаҡ яһай

автор: Светлана Ғәфүрова

2010 йылдың туғыҙ айында БР Экология һәм тәбиғәттән файҙаланыу министрлығы һыу мөнәсәбәттәре өлкәһендә ҙур эш үткәрҙе. Атап әйткәндә, ташҡын осоронда һыуҙарҙы аварияһыҙ үткәреү тәьмин ителде.  

Министрлыҡтың матбуғат хеҙмәте хәбәр итеүенсә, ташҡынға ҡаршы саралар үткәреүгә республика бюджетынан 2010 йылда 2031,2 мең һум аҡса бүленде.

Бынан тыш, һыу менән файҙаланыуға 97 договор һәм өҫтәмә килешеү төҙөлдө, шулай уҡ һыу объекттары менән файҙаланыу хоҡуғына 22 ҡарар ҡабул ителде.

«Экология һәм БР-ҙың тәбиғәт ресурстары» республика маҡсатлы программаһын тормошҡа ашырыу сиктәрендә 14 муниципаль райондан һаҡлау срогы үткән һәм файҙаланыу тыйылған 50 тонна пестицидтар сығарылды һәм утилләштерелде.