11 декабрь, Йәкшәмбе

07 декабрь 2010 йыл, 12:12

Ишембай «Витязы» яңы модификациялы вездеход сығарыуҙы үҙләштерҙе

автор: Любовь Колоколова

«Витязь» машиналар эшләү компанияһы” асыҡ акционерҙар йәмғиәтендә (Ишембай) өс тонна йәк күтәреүсәнле ике звенолы яңы модификациялы ДТ-3П гусеницалы транспортерын сығарыуҙы үҙләштерҙеләр. Һәр ваҡыттағыса, алдан яңы вездеход оҙаҡ ҡына сәнәғәт-эксплуатация һынауы үтте.  

Предприятие белгестәре билдәләүенсә, вездеходтың был моделе ҡайһы бер элементтарҙы пластиктан эшләү арҡаһында еңелерәк һәм замансараҡ күренә лә. Ишектәре, люктары, панелдәре «Автопласт» яуаплылығы сикләнгән йәмғиәте (Нефтекама) менән кооперацияла әҙерләнде. Уның дөйөм массаһы 7,3 тоннаға тиклем кәмене, был машинаның йөрөү сифатын яҡшырта һәм уның ергә баҫымын кәметә. ДТ-3П транспортының ҡоро ерҙә йөрөү тиҙлеге сәғәтенә 55 километр, ә һыуҙа – алты километрға тиклем.

Вездеход Себер һәм Алыҫ Көнсығыштың айырыуса ҡатмарлы юл һәм климат шарттарында, шулай уҡ илебеҙҙең төньяҡ төбәктәрендә кешеләр һәм төрлө йөктәр ташыу өсөн тәғәйенләнгән. Яңы модификациялы тәүге ике гусеницалы транспортерҙы "Витязь" машиналар эшләү компанияһы ҡулланыусыға декабрҙә үк оҙатырға планлаштыра.