10 декабрь, Шәмбе

03 декабрь 2010 йыл, 9:15

Бөгөн Өфө балалары аттарҙа йөрөргә саҡырыла

автор: Ирек Мөхәмәҙиев

Бөгөн, 3 декабрҙә, инвалид балалар өсөн Республика иппотерапия үҙәге Башҡортостандың баш ҡалаһының интернат-мәктәптәре тәрбиәләнеүселәре өсөн аттарҙа йөрөү ойоштора. Был сара Халыҡ-ара инвалидтар көнөнә ҡарата үткәрелә.

Акция мөмкинлеге сикләнгән балаларҙы реабилитациялауҙың һөҙөмтәле алымы булараҡ иппотерапия методына иғтибар йәлеп итеү маҡсатында ойошторола. Үҫмерҙәр аттарҙа йөрөй, малдар менән аралаша, уларҙы ашата, аттарҙы аҫрау шарттары менән таныша ала. Сара сәғәт 12-лә башлана.  

темалар: иппотерапия