9 декабрь, Йома

02 декабрь 2010 йыл, 17:40

Социаль туризмды үҫтереү проекты эшләнә

автор: Любовь Колоколова

Башҡортостан Республикаһында 2011 йылға социаль туризмды үҫтереү республика маҡсатлы программаһын тормошҡа ашырыу мәсьәләләре БР Эшҡыуарлыҡ һәм туризм буйынса дәүләт комитетында сираттағы ултырышта тикшерелде.

Тиҙҙән Башҡортостанда йәшәүсе өлкән йәштәгеләрҙең республика, ил, хатта сит илдәр буйлап туристик сәфәргә сығыу мөмкинлеге барлыҡҡа киләсәк. Бындай сәйәхәт хаҡының бер өлөшө дәүләт тарафынан республика бюджетынан компенсацияланасаҡ, тип хәбәр итә Комитеттың матбуғат хеҙмәте.

БР Эшҡыуарлыҡ һәм туризм буйынса дәүләт комитеты рәйесе Айҙар Хәлилов билдәләүенсә, туроператорҙарға эске туризм өлкәһендә эшләү өсөн яҡшы стимул барлыҡҡа киләсәк. Республика буйынса маршруттар ҡыҙыҡлы һәм сифатлы булырға тейеш, тип һыҙыҡ өҫтөнә алды ул.