11 декабрь, Йәкшәмбе

02 декабрь 2010 йыл, 15:16

Новосибирск һаулыҡ һаҡлауҙы электрон теркәү системаһына күсерә

автор: Әлим Фәйезов

Себер баш ҡалаһы һаулыҡ һаҡлауҙы электрон теркәү системаһына күсереүҙә Башҡортостан тәжрибәһен үҙләштерә.

Билдәле булыуынса, Өфөлә был система күптән инде ҡулланыла, һәм ул үҙен тулыһынса аҡланы. Беҙгә Рәсәйҙең күп төбәктәренән вәкилдәр, шул иҫәптән себерҙәр ҙә, электрон теркәү механизмын өйрәнергә килеп китте.

Шуға күрә Новосибирскиҙа һуңғы дауалау-профилактика учреждениеларын «Ҡала электрон регистратураһы» берҙәм автоматлаштырылған мәғлүмәт системаһына тоташтырыу тамамланыуы һис тә ғәжәп түгел. План буйынса, 2010 йыл аҙағына тиклем ҡаланың бөтә ун районында йәшәүселәр ҙә поликлиникалар белгестәренә ҡабул итеүгә берҙәм күп каналлы номер ярҙамында яҙыла аласаҡ. Бынан тыш, күптән түгел генә пациенттар белгестәргә үҙ аллы яҙыла алһын өсөн интернетта web-сайт эшләй башланы. Әлегә был рәүешле бер нисә белгескә генә: участка терапевтына, участка педиатрына, участка акушер-гинекологына, офтальмологка, хирургка сират алырға мөмкин, ләкин яҡын киләсәктә был исемлек киңәйтеләсәк.

Новосибирск мэрияһының баш һаулыҡ һаҡлау идаралығы хәбәр итеүенсә, «Ҡала электрон регистратураһы» системаһында бөтә шылтыратыуҙар ҡала халҡы өсөн бушлай буласаҡ.