6 декабрь, Шишәмбе

01 декабрь 2010 йыл, 9:12

Рәсәй Президентының күп балалы ғаиләләргә ер участкаһы бүлеү тураһындағы инициативаһы бойомға ашырыласаҡ

автор: "Башинформ"

Башҡортостан Президенты Рөстәм Хәмитов Дмитрий Медведевтың өсөнсө һәм унан һуңғы бала тыуғанда ғаиләләргә бушлай ер участкаһы бүлеү тураһындағы инициативаһын ҡыҫҡа ваҡытта тормошҡа ашырырға вәғәҙә итте, тип хәбәр иттеләр төбәк башлығының матбуғат хеҙмәтенән.  

Рәсәй Президенты 30 ноябрҙә Федераль Йыйылышҡа йыллыҡ Мөрәжәғәтнамәһендә Хөкүмәткә ошондай бурыс йөкмәтте.

«Беҙ был башланғысты мотлаҡ тормошҡа ашырасаҡбыҙ. Һәм кисекмәҫтән Башҡортостан ҡануниәтенә тейешле үҙгәрештәр индерәсәкбеҙ», — тине Рөстәм Хәмитов.