7 декабрь, Шаршамбы

30 ноябрь 2010 йыл, 15:33

2011 йылда Өфөлә 250 ихата төҙөкләндереләсәк

автор: "Башинформ"

«Берҙәм Рәсәйҙең яңы юлдары» фирҡә проекты сиктәрендә 2011 йылда Өфөлә ихаталарҙы реконструкциялауға һәм капиталь ремонтҡа 530 миллион һум бүлеү планлаштырыла.  

Был средстволар Башҡортостандың баш ҡалаһының 250 ихатаһын төҙөкләндереүгә китәсәк, был Өфө ихаталарының ундан бер өлөшө. Сағыштырыу өсөн, 2010 йылда ошо уҡ маҡсатҡа 70 миллион һум самаһы бүленде.

Хәтерегеҙгә төшөрәбеҙ, «Берҙәм Рәсәй» фирҡәһе 2007 йылда республика, край, өлкә үҙәктәренә ҡала юлдарын ремонтлауға аҡса средстволары бүлеү инициативаһы менән сығыш яһаны һәм уны «Берҙәм Рәсәйҙең яңы юлдары» проекты тип билдәләне. Бөгөнгө көндә ул Рәсәй Федерацияһы субъекттарының баш ҡалаларында, шул иҫәптән Өфөлә лә тормошҡа ашырыла.