11 декабрь, Йәкшәмбе

26 ноябрь 2010 йыл, 17:50

Нефтекамала яңы хакимиәт башлығы

автор: Сергей Захаров

26 ноябрҙә Нефтекама ҡала Советы Башҡортостан Президенты Хакимиәте Етәксеһе Николай Курапов ҡатнашлығында үҙенең сираттағы ултырышында ҡала хакимиәте башлығы вазифаһына Владимир Громовты раҫланы. Был вазифаға ул конкурс һөҙөмтәләре буйынса тәғәйенләнде.

Владимир Борисович Громов 1961 йылда Ырымбур өлкәһе Илек районының Илек ауылында тыуған. Ырымбур политехник институтын тамамлаған.

1983 йылдан алып мастерҙан башлап «БНПС» тресының 5-се төҙөлөш идаралығы начальнигына тиклем хеҙмәт юлы үткән.

Нефтекама ҡала Советы башҡарма комитетының Капиталь төҙөлөш идаралығы баш инженеры булып эшләгән. 1998 йылдан алып әлеге ваҡытҡа тиклем «Нефтекамскстройзаказчик» муниципаль унитар предприятиеһы директоры вазифаһын биләгән.