8 декабрь, Кесе йома

24 ноябрь 2010 йыл, 9:04

25 ноябрҙә Башҡорт дәүләт филармонияһында филармониялар фестивале асыла

автор: Ольга Мортазина

25 — 28 ноябрҙә Башҡорт дәүләт филармонияһында Башҡортостан филармониялары фестивале үтәсәк. Өфө тамашасылары алдында сығыш яһар өсөн баш ҡалаға республиканың барлыҡ концерт ойошмаларының солистары һәм коллективтары киләсәк.

25 ноябрҙә — Стәрлетамаҡ дәүләт филармонияһы, 26 — Сибай дәүләт филармонияһы, 27-ендә Нефтекама дәүләт филармонияһы үҙенең программаһын тәҡдим итәсәк, һәм 28 ноябрҙә Башҡорт дәүләт филармонияһының көсө менән гала-концерт күрһәтеләсәк.

Нәзифә Ҡадырова, Әлфиә Юлсурина, Ирина Остин, Вәхит Хызыров һәм башҡа солистар башҡарыуында «Юнона һәм Авось», «Сильва», «Нотр-Дам де Пари», «Опера өрәге», «Порги һәм Бесс» кеүек популяр мюзикл һәм оперетталарҙан номерҙар ишеттереләсәк. Билдәле кинофильмдарҙан мелодияларҙы эстрада-джаз оркестры башҡарасаҡ, шулай уҡ концертта хор капеллаһы ла ҡатнашасаҡ.

темалар: анонс