Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.00 ↓

EUR 66.08 ↑

27 июнь, Шишәмбе

Уфа   °

«Урал-батыр» эпосын яҙып алыуҙың 100 йыллығына арналған халыҡ-ара конференция үтәсәк

Йәмғиәт

30 ноябрҙә Өфөлә, БР Дәүләт Йыйылышы-Ҡоролтай Йортонда, «Урал-батыр» эпосын яҙып алыуҙың 100 йыллығына арналған «Урал-батыр» һәм донъя халыҡтарының рухи мираҫы» халыҡ-ара ғилми-ғәмәли конференцияһы үткәреләсәк. Уны ойоштороусылар – Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты, БР Фәндәр академияһы, БР Мәҙәниәт министрлығы, Башҡортостан Республикаһының ЮНЕСКО эштәре буйынса комитеты.

«Урал-батыр» эпосы — финдарҙың «Калевала», германдарҙың «Песнь о Нибелунгах», ҡырғыҙҙарҙың «Манас» кеүек эпик шиғриәт шедеврҙары менән бер рәттә торған, башҡорт халҡының боронғо архаик хикәйәттәренең береһе. «Урал-батыр» мифологияны өйрәнеү буйынса мөһим сығанаҡ булып тора, башҡорт халҡының ғына түгел, бөтә донъя мәҙәниәтенең боронғо тарихына асыҡлыҡ индерә.

«Урал-батыр» эпосын яҙып алыуҙың 100 йыллығына арналған ғилми форумға Өфө, Стәрлетамаҡ, Сибай, Учалы, Ҡазан, Яр Саллы, Төмән, Новосибирск, Горно-Алтайск ҡалаларынан, шулай уҡ Абхазиянан һәм Германиянан ғалимдар йыйыласаҡ.

Яндекс цитирования
Рейтинг ресурсов "УралWeb" -->
закрыть