11 декабрь, Йәкшәмбе

22 ноябрь 2010 йыл, 15:27

Ноябрь аҙағына тиклем артыҡ һыуыҡтар көтөлмәй

автор: Рәсүл Хәмиҙуллин

Шишәмбенән, 23 ноябрҙән, Башҡортостанда көндәр ҡабаттан йылынасаҡ. Был турала “Башгидромет” үҙәгенең баш синоптигы Анна Козаева хәбәр итте. Уның һүҙҙәренә ҡарағанда, һауа температураһы нулдән түбән өс-һигеҙ градус тәшкил итәсәк. Аҙнаның икенсе яртыһынан көндөҙ ике градус йылынан өс градусҡа тиклем һыуыҡ буласаҡ. Төнөн – нулдән минус бишкә тиклем.

— Ваҡыты менән епшек ҡар яуыуы ихтимал. Республиканың көньяҡ-көнсығышында яуым-төшөмһөҙ буласаҡ, — тине Анна Козаева. – Кесе йома, 25 ноябрҙә, ҡар яуыуы көтөлә. Юлдарҙа боҙлауыҡ булыуы ихтимал.

Шулай уҡ ул, ай аҙағына тиклем республикала көслө һыуыҡтар көтөлмәй, тип хәбәр итте. Ноябрҙә һауа температураһы климат нормаһынан юғары булмаясаҡ.          

темалар: һауа торошо