7 декабрь, Шаршамбы

22 ноябрь 2010 йыл, 10:30

Диниә назараты делегацияһы Иранға барасаҡ

автор: Марина Шумилова

23 ноябрҙән 7 декабргә тиклем Башҡортостан Республикаһы мосолмандары Диниә назараты делегацияһы Иран Ислам Республикаһына мәҙәни-танышыу сәфәре менән барасаҡ. Делегация составына республика ҡала һәм райондарының имам-мөхтәсибтары, шулай уҡ билдәле фоторәссамдар Рәмил Килмәмәтов һәм Ринат Әминев инә. Делегацияны БР мосолмандары Диниә назараты рәйесе урынбаҫары Руслан хәҙрәт Саяхов етәкләй.

26 ноябрҙә Тегеранда Рәмил Килмәмәтовтың «Башҡортостан» исемле фотокүргәҙмәһе асыласаҡ, тип планлаштырыла. Иранға сәфәре барышында Рәмил Килмәмәтов менән Ринат Әминев ил тураһында фоторепортаж яһарға һәм уның нигеҙендә Башҡортостан халҡы өсөн фотокүргәҙмә әҙерләргә ниәтләй.

Делегация етәксеһе Руслан хәҙрәт әйтеүенсә, был Башҡортостан мосолман руханиҙары делегацияһының Иранға тәүге сәфәре генә түгел. Бында улар Кум ҡалаһына барасаҡ, Рәсәй Илселеге вәкилдәре менән осрашасаҡ.

темалар: дин, сәфәрҙәр