8 декабрь, Кесе йома

19 ноябрь 2010 йыл, 11:41

Электрон документтар әйләнеше индерелә

автор: "Башинформ"

Башҡортостанда ведомство-ара электрон документтар әйләнеше системаһы булдырыла. Уны индереү тураһында Указға 18 ноябрҙә республика Президенты Рөстәм Хәмитов ҡул ҡуйҙы.

Төбәк Хөкүмәтенә 25 декабргә тиклем системаны тест режимында файҙаланыуға индереүҙе ойошторорға бойороҡ бирелде. Дәүләт власть органдары электрон документтар әйләнеше системаһына аҡрынлап, раҫланған графикка ярашлы тоташтырыласаҡ. Мәғлүмәттәр менән эске алмашыу архитектураһына башҡарма власть органдары, федераль ведомстволарҙың территориаль бүлектәре һәм урындағы үҙидара органдары инә.