8 декабрь, Кесе йома

18 ноябрь 2010 йыл, 16:00

Ер мәсьәләһе хөкүмәт контролендә

автор: "Башинформ"

2 — 3 декабрҙә Өфөлә «Ер һәм мөлкәт мөнәсәбәттәрен үҫтереү һәм камиллаштырыуҙың төбәк проблемалары» төбәк-ара ғилми-ғәмәли конференцияһы үтәсәк. 18 ноябрҙә Башҡортостан Хөкүмәтенең тейешле бойороғона ҡул ҡуйылды.  

Документҡа ярашлы конференцияның ойоштороу комитеты булдырылды, уны Премьер-министр урынбаҫары – БР Хөкүмәте Аппараты Етәксеһе Илшат Тажетдинов етәкләй. Форум үткәреү операторы итеп БР Президенты ҡарамағындағы Башҡортостан Дәүләт хеҙмәте һәм идара итеү академияһы билдәләнде.

Элемтә һәм киң коммуникациялар министрлығы, «Башҡортостан» телерадикомпанияһы, «Башинформ» мәғлүмәт агентлығы конференцияны әҙерләү һәм үткәреү буйынса сараларға мәғлүмәти ярҙам күрһәтә. Бойороҡ үтәлешенә контроль республиканың Ер һәм мөлкәт мөнәсәбәттәре министрлығына йөкмәтелде, тип хәбәр итә Башҡортостан Хөкүмәтенең матбуғат хеҙмәте.