4 декабрь, Йәкшәмбе

11 ноябрь 2010 йыл, 12:28

Рәсәй Юристар ассоциацияһының төбәк бүлексәһе етәксеһе – Фәим Мөхәмәтшин

автор: Ольга Мортазина

«Рәсәй Юристар ассоциацияһы» Дөйөм Рәсәй йәмәғәт ойошмаһының Башҡортостан бүлексәһе отчет-һайлау конференцияһында уның яңы етәксеһе тәғәйенләнде. Ул – Рәсәй Эске эштәр министрлығының Өфө юридик институты начальнигы Фәим Мөхәмәтшин. Хоҡуҡ һаҡлау органдары өсөн кадрҙар әҙерләгән уҡыу йортона ул 2003 йылдың июненән етәкселек итә, уға тиклем институт начальнигы урынбаҫары булып эшләгән. Үҙ һөнәри байрамында ул тағы бер – почетлы, әммә бик яуаплы вазифа алды.

Хәтерегеҙгә төшөрәбеҙ, Башҡортостан Президенты Рөстәм Хәмитов, форумда ҡатнашыусыларҙы тәбрикләп, ассоциация алдына ҡайһы бер бурыстар ҡуйҙы: бушлай юридик консультациялар ойоштороу; мәғлүмәт порталы булдырыу; Дәүләт Йыйылышына ҡарауға тәҡдим ителгән закон проекттарына йәмәғәт экспертизаһы үткәреү. Шулай уҡ Президент Башҡортостан юристарына үҙҙәренең «Йыл юрисы» профессиональ конкурсын ойошторорға, республикала йәш юристар форумын үткәрергә тәҡдим итте.

темалар: юристар