7 декабрь, Шаршамбы

08 ноябрь 2010 йыл, 15:01

Ноябрҙең икенсе яртыһында ҡыш килеүе көтөлә

автор: Рәсүл Хәмиҙуллин

Башҡортостанда был башланған аҙна артыҡ һыуыҡтар килтереүе көтөлмәй. Был турала “Башгидромет” үҙәгенең баш синоптигы Анна Козаева хәбәр итте. Уның әйтеүенсә, төнөн һауа температураһы нулдән биш градус һыуыҡҡа тиклем тәшкил итәсәк. Көндөҙ биш градусҡа тиклем йылы буласаҡ. Икенсе яртыһында ике-ете градус нулдән юғары булыуы көтөлә.

— Аҙна барышында бер аҙ яуым-төшөм булыуы ихтимал, — тип һыҙыҡ өҫтөнә алды Анна Козаева. Шулай уҡ ул әлеге ваҡытта Учалыла һәм Белоретта ҡар ятыуын теркәгән. Республиканың айырым райондарында боҙлауыҡ һәм сымдарға еүеш ҡар йәбешеү осраҡтары күҙәтелгән. Шулай ҙа ноябрь уртаһына тиклем ҡыш көтөлмәй әле.  

темалар: һауа торошо