4 декабрь, Йәкшәмбе

02 ноябрь 2010 йыл, 15:04

Өфө йәрминкәләрендә 14 мең тонна самаһы картуф һатылды

автор: Евгений Рәхимҡолов

Өфөлә тамамланған көҙгө йәшелсә йәрминкәләре барышында 13,8 мең тонна картуф һатылды. Уның ярайһы уҡ ҡиммәтәйеүенә ҡарамаҫтан, Өфөлә “икенсе икмәк” ҙур талап менән файҙалана. Сағыштырыу өсөн, 2009 йылғы көҙгө йәрминкәләрҙә 14,6 мең тонна картуф һатылғайны.

— Йәшелсә йәрминкәләрендә ситтән килтерелгән картуф өҫтөнлөк итте, — тине Өфө хакимиәте башлығы Павел Качкаев. – Республика етештереүселәренең продукцияһы быйылғы ҡоролоҡ эҙемтәһендә был юлы бик аҙ булды.

Павел Качкаев әйтеүенсә, Башҡортостанға картуфты Барнаул, Төмән, Красноярск, Новосибирск, Магнитогорск, Омск ҡалаларынан, Алтай крайынан, Кемерово өлкәһенән һәм хатта Беларусь Республикаһынан килтерәләр.