10 декабрь, Шәмбе

02 ноябрь 2010 йыл, 12:26

Башҡортостан менән Ҡаҙағстан торлаҡ-төҙөлөш тупланмаһы өлкәһендә хеҙмәттәшлекте юлға һала

автор: Рәсүл Хәмиҙуллин

Башҡортостандан делегация «Жилстройсбербанк Казахстана» акционерҙар йәмғиәтендә булды. Республикабыҙҙан эшсе төркөм составына дәүләт органдары һәм коммерция банкылары вәкилдәре инде.

Осрашыуҙар барышында Ҡаҙағстан банкы белгестәре делегация ағзаларына Ҡаҙағстандағы ҡануниәт нигеҙҙәре, принциптары, банкта эште ойоштороу тәжрибәһе, банк ҡатнашҡан проекттар һәм продукттар тураһында һөйләне.

Был сәфәр үҙ-ара хеҙмәттәшлекте юлға һалыуға, Ҡаҙағстан менән Башҡортостан араһында торлаҡ төҙөлөшө маҡсатында һаҡланған аҡсалар системаһын үҫтереү өлкәһендә тәжрибә уртаҡлашыуға булышлыҡ итәсәк.  

Әлеге ваҡытта Башҡортостанда торлаҡ-төҙөлөш банкында һаҡланған аҡсалар системаһы аша торлаҡ төҙөлөшөн финанслауҙың һынау проектын әҙерләү буйынса эшсе комиссия төҙөлгән, шуға күрә делегацияны торлаҡ төҙөлөшө маҡсатында һаҡланған аҡсалар системаһын индереү мәсьәләләре ҡыҙыҡһындырҙы.