3 декабрь, Шәмбе

28 октябрь 2010 йыл, 9:36

Рөстәм Хәмитов Өфө үҫешенең генпланын тормошҡа ашырырлыҡ тип иҫәпләй

автор: Евгений Рәхимҡолов

Башҡортостан Президенты Рөстәм Хәмитов Өфөнөң 2025 йылға тиклем үҫешенең генераль планын, шул иҫәптән торлаҡ төҙөлөшө һәм транспорт инфраструктураһын үҫтереү проекттарын тормошҡа ашырырлыҡ тип иҫәпләй.  

— Тәбиғи, бөтә был проекттарҙы тормошҡа ашырыу бик ҙур средстволар талап итә, — тине ул. – Хәҙер был суммалар сиктән тыш ҙур кеүек тойола, сөнки улар Мәскәү бюджеты менән сағыштырырлыҡ. Әммә, дөйөм алғанда, лайыҡлы программа һәм ваҡыт үтеү менән тормошҡа ашырырлыҡ. Әлегә Өфөнөң бюджет тәьмин ителеше артыҡ юғары түгел, ләкин беҙ яңы мөмкинлектәр эҙләргә, инвесторҙар йәлеп итергә тейешбеҙ. Бәлки, хәҙерге пландарыбыҙҙың ҡайһы берҙәрен киләһе быуынға тормошҡа ашырырға тура килер, шулай ҙа нисек тә булһа был бурыстар үтәлергә тейеш. Республикабыҙ баш ҡалаһы Рәсәйҙең иң үҫешкән һәм матур ҡалаларының береһе булырға тейеш.