8 декабрь, Кесе йома

27 октябрь 2010 йыл, 10:02

«Салауатбыяла» йәмғиәте «Glasstec – 2010» халыҡ-ара күргәҙмәһендә ҡатнашты

автор: Рәсүл Хәмиҙуллин

«Салауатбыяла» асыҡ акционерҙар йәмғиәте Германияла «Glasstec – 2010» халыҡ-ара быяла сәнәғәте махсус күргәҙмәһендә ҡатнашты. Предприятиенан хәбәр итеүҙәренсә, компанияның күргәҙмәлә ҡатнашыуының төп маҡсаты – быяла етештереү һәм эшкәртеү өсөн ҡорамалдар етештереүсе фирмалар менән халыҡ-ара контакттар эҙләү һәм нығытыу. Потенциаль партнерҙарҙа Башҡортостан предприятиеһы сығарған табаҡлы быяла ҙур ҡыҙыҡһыныу уятты.

Быйыл «Салауатбыяла» асыҡ акционерҙар йәмғиәте күргәҙмәлә «Һарытау төҙөлөш быялаһы» акционерҙар йәмғиәте менән берлектә ҡатнашты, уның акцияларының 100 проценты ла Салауат компанияһына ҡарай.

«Glasstec» ике йылға бер Дюссельдорфта үтә һәм донъяла иң ҙур быяла сәнәғәте күргәҙмәһе булып тора. Унда яңы продукттар, быяла эшкәртеү алымдары һәм уны ҡулланыу варианттары тәҡдим ителә.