4 декабрь, Йәкшәмбе

26 октябрь 2010 йыл, 12:33

Көндәр ҡапыл һыуытмаясаҡ

автор: Рәсүл Хәмиҙуллин

Яҡындағы ун көндә Башҡортостанда үҙгәреүсән һауа торошо күҙәтеләсәк. Был турала “Башгидромет” үҙәгенең баш синоптигы Анна Козаева хәбәр итте. Уның һүҙҙәренә ҡарағанда, иртәнсәк томан төшөүе ихтимал.

— Көҙөн был ҡәҙимге күренеш. Был миҙгелдә томан йышыраҡ төшә, — тине ул. – Кесе йоманан, 28 октябрҙән, һауа торошо үҙгәреүсәнгә әйләнәсәк. Атмосфера баҫымы кәмей, һауа температураһы төшә башлаясаҡ. Ямғыр һәм епшек ҡар яуыуы мөмкин.  

Анна Козаева, яҡын араларҙа көндәрҙең ҡапыл һыуытыуы көтөлмәй, тип һыҙыҡ өҫтөнә алды. Шулай уҡ әлегә ҡар ҙа ятмаясаҡ.  

темалар: һауа торошо