3 декабрь, Шәмбе

19 октябрь 2010 йыл, 12:23

V Бөтә Рәсәй муниципаль берәмектәр конкурсына материалдар ҡабул итеү дауам итә

автор: Марина Шумилова

Башҡортостанда РФ Төбәктәр үҫеше министрлығы тарафынан ойошторолған V Бөтә Рәсәй муниципаль берәмектәр конкурсына материалдар ҡабул итеү дауам итә.  

Быйыл конкурстың рәсми операторы сифатында Финанс университеты сығыш яһай, ә мәғлүмәт ярҙамын «Муниципальная Россия» журналы күрһәтә.

Сентябрҙә башланған конкурс ноябрҙең өсөнсө декадаһында Мәскәүҙә еңеүселәрҙе наградлау тантанаһы менән тамамланасаҡ.

Башҡортостанда конкурс операторы — «БР муниципаль берәмектәр советы» ассоциацияһы.

Конкурста ҡатнашыу өсөн документтарҙы Ассоциациға 1 ноябргә тиклем түбәндәге адрес буйынса ебәрергә кәрәк: Өфө, Туҡаев урамы, 46, каб.306; телефон: (347) 250-00-38.

Конкурс тураһында ентекле мәғлүмәтте www.ufrf.ru/projects/msukonkurs сайтында алырға мөмкин.