9 декабрь, Йома

15 октябрь 2010 йыл, 15:04

Өфөлә «Социаль шылтыратыу» акцияһы дауам итә

автор: Эльмира Сабирова

Өфөлә 12 октябрҙә башланған «Социаль шылтыратыу» акцияһы 21 октябргә тиклем дауам итәсәк. Ҡаланың  «ИНДИГО» психологик-медик-социаль оҙатыу үҙәге уны ҡатмарлы хәлгә дусар булған кешеләргә квалификациялы ярҙам күрһәтеү маҡсатында үткәрә. Психологтар, психотерапевтар, юристар, министрлыҡтар һәм ведомстволар белгестәре, ял көндәренән тыш, көн һайын 16 сәғәттән 17 сәғәткә тиклем һорауҙарға яуап бирә. Телефон — 223-22-11. Белгестәр акцияны бер нисә йүнәлешкә бүлде. Мәҫәлән, йома көндө, 15 октябрҙә социаль ярҙам мәсьәләләре буйынса студенттарҙан һәм студенттар ғаиләләренән шылтыратыуҙар ҡабул ителә. Дүшәмбе көнө, 18 октябрҙә, балалар менән ҡаты мөғәмәлә итеү проблемаһы менән осрашыусылар шылтырата ала, 19 октябрҙә – шартлы хөкөм ителеүселәрҙе һәм хөкөм язаһы срогын тултырып ҡайтыусыларҙы социаль яҡлау һәм реабилитациялау мәсьәләләре буйынса, 20 октябрҙә – балалар һәм үҫмерҙәр араһында криминаль әүҙемлекте иҫкәртеү буйынса, 21 октябрҙә – яңғыҙлыҡ, социаль етемлек һәм өлкән йәштәге граждандар менән ҡаты мөғәмәлә итеү проблемалары буйынса.

темалар: социаль яҡлау