8 декабрь, Кесе йома

13 октябрь 2010 йыл, 14:10

Йәш журналистар өсөн конкурс иғлан ителде

автор: Светлана Ғәфүрова

Вагит Алекперовтың «Беҙҙең киләсәк» төбәк социаль программалар фонды «Социаль эшҡыуарлыҡ тураһында иң яҡшы мәҡәлә» йәш журналистар эштәре конкурсы башланыуы хаҡында иғлан итте. «Беҙҙең киләсәк» — Рәсәйҙә социаль эшҡыуарлыҡты үҫтереүсе тәүге Фонд.

Конкурс Рәсәйҙә социаль эшҡыуарлыҡты үҫтереү темаһына журналистар берләшмәһенең иғтибарын йәлеп итеү өсөн һәләтле йәш журналистарҙы эҙләп табыуға һәм ярҙам итеүгә йүнәлеш тота. Конкурс йомғаҡтары буйынса социаль эшҡыуарлыҡ тураһында иң яҡшы мәҡәлә иғлан ителәсәк. Автор-еңеүсе төп приз – НОУТБУК аласаҡ!

Конкурста ҡатнашыусы булыу өсөн article@nbfund.ru электрон адресы буйынса рус телендә тематик мәҡәлә, авторҙың ҡыҫҡаса биографияһын (фамилияһы, исеме, атаһының исеме), белеме, киң мәғлүмәт сараһында эш тәжрибәһе тураһында мәғлүмәттәр, баҫманың баш мөхәррире рекомендацияһын, бәйләнеш мәғлүмәтен: телефон, адрес, e-mail, һәм Рәсәй паспортының беренсе бите күсермәһен ебәрергә кәрәк.

Конкурста Рәсәй Федерацияһында йәшәүсе, 35 йәше тулмаған, юғары йәки тулы булмаған юғары белемле, кәмендә бер йыл теркәлгән киң мәғлүмәт сараһында эшләүсе һәр граждан ҡатнаша ала.  

темалар: конкурс