10 декабрь, Шәмбе

12 октябрь 2010 йыл, 10:13

Республика асыҡ булырға тейеш, тип белдерҙе Президент

автор: Марина Шумилова | фото: Андрей Старостин

— Беҙҙең конкуренциялы көрәштә еңелергә хаҡыбыҙ юҡ, — тип белдерҙе Башҡортостан Президенты Рөстәм Хәмитов Республика көнөнә арналған тантаналы йыйылышта сығыш яһап. — Беҙгә туҡтап ҡалырға ярамай. Кешеләребеҙҙең тормош сифаты беҙҙең компетентһыҙлыҡ, ялҡаулыҡ эҙемтәһенә әйләнергә тейеш түгел.  

Конкуренцияға һәләтлелек нигеҙе итеп республика башлығы асыҡлыҡты атаны.  

— Республика инвестициялар өсөн дә, яңы технологиялар өсөн дә, заманса идара итеү алымдары өсөн дә асыҡ булырға тейеш, — тип һыҙыҡ өҫтөнә алды ул. — Шул уҡ ваҡытта беҙ халыҡтарыбыҙҙың традицияларын да һаҡларға тейешбеҙ. Бында беҙгә уйланылған конфессия-ара һәм этник-ара сәйәсәт ярҙамға киләсәк. Тыныслыҡҡа һәм изгелеккә илткән сәйәсәт. Быларҙың барыһы ла тормошҡа ашасағына мин ышанам. Сөнки беҙ халыҡ мәнфәғәтенә хеҙмәт итәсәгебеҙҙе аныҡ беләбеҙ.