8 декабрь, Кесе йома

06 октябрь 2010 йыл, 13:51

«Өфөлә йәштәр өсөн эш» сайтына көн һайын 500-ләп кеше инә

автор: Эльмира Сабирова

Бер ай элек баш ҡалала эшкә урынлашыу буйынса яңы «Өфөлә йәштәр өсөн эш» сайты асылды. Ошо ваҡыт эсендә уға 13 мең кеше инеп сыҡты. Порталдың төп маҡсаты — эш эҙләүселәргә вакансиялар тураһында яңы мәғлүмәт биреү, ә эш биреүселәргә — асыҡ вакансияларға кәрәкле кандидаттар табыу. Сайт һөҙөмтәле эшләй. Көн һайын уны 500-ҙән ашыу эш эҙләүселәр һәм эш биреүселәр ҡарай. Иң талап ителгән һөнәрҙәргә менеджерҙар, It-белгестәр, реклама буйынса белгестәр инә. Йәштәрҙе эшкә урынлаштырыу бушлай булырға тейеш – сайт булдырыусыларҙың фекере ошондай.

Хәтерегеҙгә төшөрәбеҙ, www.hezmet.ru битендә иғландарҙы ҡарау ғына түгел, шулай уҡ Өфөлә эш эҙләү һәм эшкә урынлашыу темаһын тикшереүҙә ҡатнаша ала. Мәҫәлән, һуңғы көндәрҙә форумдың актуаль темаһы — ситтән тороп уҡыусы студенттар өсөн эш.

Шул уҡ ваҡытта ҡалаларҙа һәм райондарҙа «Эш – йәштәргә!» республика акцияһы дауам итә. 14 октябрҙә ул Әлшәй районының Раевка ауылында үтте. Сара программаһында даими һәм ваҡытлыса эш урындары йәрминкәһе, шулай уҡ Мәшғүллек үҙәге белгестәренең консультациялары планлаштырылған.