4 декабрь, Йәкшәмбе

05 октябрь 2010 йыл, 17:01

Ғ.Камал исемендәге татар театры гастролдәр менән Өфөгә килә

автор: Әлфиә Әһлиуллина

Ғәлиәскәр Камал исемендәге Татар дәүләт академия театры гастролдәре Өфөлә 18 октябрҙән 31 октябргә тиклем үтәсәк. Бындай оҙайлы гастролдәр юбилей саралары сиктәрендә ойошторола — киләһе йылда Камал театрына 105 йыл тула.

Театрҙың Өфөлә ике аҙна булыуы осоронда иң яҡшы туғыҙ спектакле күрһәтеләсәк – «Йәш йөрәктәр», «Ҡурсаҡ туйы», «Диләфрүзгә дүрт кейәү», «41-ҙең арбалы ҡатындары», «Диуана», «Тәҡдир», «Мылтыҡ», «Бәпәй», «Люстра».

Гастролдең һуңғы көнөндә, 31 октябрҙә, тамашасыларға драматург Зөлфәт Хәкимовтың 50 йәшенә арналған бенефис-концерты тәҡдим ителәсәк.

Спектаклдәр 12 һәм 19 сәғәттәрҙә Нефтселәр мәҙәниәт һарайының сәхнәһендә барасаҡ.