9 декабрь, Йома

04 октябрь 2010 йыл, 17:30

Төҙөүселәр союзының дөйөм йыйылышы үткәрелә

автор: Рәсүл Хәмиҙуллин

15 октябрҙә Өфөнөң Профсоюздар йортонда БР Төҙөүселәр союзының дөйөм йыйылышы үткәрелә. Уның эшендә 370-тән ашыу төҙөлөш компанияһы — үҙ-үҙен көйләүсе ойошмалар ағзалары ҡатнашасаҡ, тип планлаштырыла.  

Көн тәртибенә Коммерция булмаған партнерлыҡтың бер йылдағы эшмәкәрлек, ҡайһы бер ойошмаларҙы ағзалыҡтан сығарыу мәсьәләләре индерелгән. Йыйылышта шулай уҡ норматив документтарға үҙгәрештәр һәм өҫтәмәләрҙе һәм башҡа мәсьәләләрҙе тикшерәсәктәр.  

Үҙ-үҙен көйләүсе ойошма ағзаларының дөйөм йыйылышы йылына бер тапҡыр үткәрелә һәм Башҡортостандың бөтә төҙөлөш берләшмәһе өсөн мөһим ваҡиға булып тора. Тап дөйөм йыйылыш артабан төҙөлөш предприятиеларының эшенә йоғонто яһаусы принципиаль мәсьәләләр буйынса коллегиаль ҡарарҙар ҡабул итеү хоҡуғына эйә орган булып тора ла.