5 декабрь, Дүшәмбе

04 октябрь 2010 йыл, 15:35

Аҙна аҙағына көндәр йылынасаҡ

автор: Рәсүл Хәмиҙуллин

Башҡортостанда аҙнаның икенсе яртыһы йылы буласаҡ. Был турала гидрометеорология һәм тирә-яҡ мөхит мониторингы буйынса Башҡортостан идаралығы начальнигы Юрий Ферапонтов хәбәр итте.

— 7 октябргә тиклем һалҡын һауа торошо һаҡланасаҡ. Төнөн урын-урыны менән 2-7 градусҡа тиклем һыуытыуы көтөлә. Көндөҙ термометр бағанаһы 2-7 градус йылы билдәһендә буласаҡ, — тине ул. – Аҙна уртаһына республика буйынса йылы фронт үтәсәк. Урыны менән бер аҙ ямғыр яуыуы ихтимал. Фронт үтеүгә һауа температураһы күтәреләсәк.

Юрий Ферапонтов әйтеүенсә, төнөн ике градус һыуыҡтан өс градус йылыға тиклем буласаҡ. Көндөҙ һауа 12-16 градусҡа тиклем йылынасаҡ. Яуым-төшөм көтөлмәй.

темалар: һауа торошо