Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.07 ↓

EUR 60.84 ↓

25 апрель, Шишәмбе

Уфа   °

Башҡорт дәүләт аграр университеты юбилейын билдәләргә әҙерләнә

Йәмғиәт

1930 йылда ауыл хужалығы институты булараҡ ойошторолған Башҡорт дәүләт аграр университеты юбилей тантаналарына әҙерләнә.

Бөгөн был ауыл өсөн профессиональ кадрҙар әҙерләүсе илдең төп юғары уҡыу йорттарының береһе булып тора. Ул билдәле ғилми мәктәптәргә, юғары квалификациялы уҡытыусы кадрҙарға, заманса технологик һәм мәғлүмәт базаһына эйә. Вуздарҙың йыл һайын үткәрелгән мониторингы һөҙөмтәләре буйынса БДАУ илдең 59 ауыл хужалығы вузы араһында тәүге иң яҡшылар тиҫтәһенә инә. Ул 50,5 меңдән ашыу юғары квалификациялы белгестәр әҙерләп сығарҙы.

Бөгөн университетта 34 белгеслек, дүрт юғары профессиональ белем бакалавриаты йүнәлеше буйынса студенттар уҡытыла, ғилми эшмәкәрлек алып барыла.  Иң популяр факультеттар араһында – энергетика, ер төҙөлөшө һәм урман хужалығы, иҡтисад, ауыл хужалығын механизациялау. Юбилей йылында бында өс яңы белгеслек асылды: «һыу ресурстары һәм аквакультура (балыҡсылыҡ)», «биология (һунарсылыҡ буйынса)», «туризм».

Был көндәрҙә факультеттарҙа университеттың 80 йыллығына арналған юбилей саралары үтә. Байрам кульминацияһы булып 15 октябрҙә Йәштәр һарайында үтәсәк тантаналы йыйылыш һәм концерт торасаҡ.

Теги: мәғариф
Яндекс цитирования
Рейтинг ресурсов "УралWeb" -->
закрыть