11 декабрь, Йәкшәмбе

29 сентябрь 2010 йыл, 12:38

Миллион гектар ер туңға һөрөлдө

автор: Ғәлиә Нәбиева

Республика механизаторҙары миллион гектар һөрөнтө ерҙе эшкәртте. Дөйөм алғанда, планлаштырылған майҙандың 75 процентында туңға һөрөү үткәрелгән.

— Был агротехник алым игенселәргә яҙғы баҫыу эштәрен үткәреүгә тупраҡта дым тупларға ярҙам итәсәк, — ти БР Ауыл хужалығы министрлығының прогрессив үҫемлекселек технологиялары бүлегенең баш агрономы Таһирйән Мөхәмәтзиев. – Төрлө райондарҙа төрлө технологиялар ҡулланалар.

Тәтешле һәм Ауырғазы райондары игенселәре туңға һөрөүҙе тулыһынса тамамланы. Стәрлетамаҡ, Саҡмағош, Илеш, Ҡалтасы райондарында баҫыуҙарҙың 90 проценты эшкәртелгән. Шәкәр сөгөлдөрөн йыйып алыуға һәм майҙандарҙың бушауына ҡарап, туңға һөрөү дауам иттереләсәк.