6 декабрь, Шишәмбе

29 сентябрь 2010 йыл, 9:01

Өфөлә өмәләрҙә 115 меңдән ашыу кеше ҡатнашты

автор: Евгений Рәхимҡолов

115 меңдән ашыу өфөлө 25 сентябрҙә үткән дөйөм ҡала өмәһендә ҡатнашты. Был турала ҡала башлығындағы оператив кәңәшмәлә Өфө хакимиәтенең Коммуналь хужалыҡ һәм төҙөкләндереү идаралығы начальнигы Владимир Чернов хәбәр итте.

Ҡала халҡы көсө менән 4,7  мең кубометрҙан ашыу сүп-сар сығарып түгелгән, 2,6 мең ағас һәм 3,5 мең ҡыуаҡ ултыртылған. Студенттар, мәктәп уҡыусылары, йәштәр йәмәғәт ойошмалары ағзалары, бюджет өлкәһе хеҙмәткәрҙәре әүҙемлек күрһәткән.

Хәтерегеҙгә төшөрәбеҙ, ҡаланы санитар таҙартыу буйынса айлыҡ Өфөлә 10 сентябрҙә старт алды. Айлыҡтың һәр йомаһы санитар көн тип иғлан ителгән.

— Ҡалған ваҡытта ҡалала урман массивтарын, гараж кооперативтарын, баҡсаларҙы япраҡтан таҙартыуҙы тиҙләтергә кәрәк, — тип иҫәпләй Владимир Чернов.