7 декабрь, Шаршамбы

28 сентябрь 2010 йыл, 14:10

Өфөләге «тиҙ ярҙам»дың баш табибы Интернет аша кәңәштәр бирә

автор: Ольга Мортазина

Өфөләге «тиҙ ярҙам»дың баш табибынан консультацияны хәҙер скайп аша алырға мөмкин: он-лайнда аралашыуға биш минут ваҡыт бирелә. Интернет-ҡабул итеүгә телефон аша — 254-99-84, йәки ssmpufa@mail.ru адресына заявка ебәреп яҙылырға мөмкин. Заявкала исем-фамилияңды, тыуған йылыңды, скайп адресын һәм фекер алышырға теләгән мәсьәлә хаҡында яҙып ебәрергә кәрәк. Билдәләнгән ваҡытта баш табип үҙе бәйләнешкә сығасаҡ.  

Шулай уҡ Өфөнөң тиҙ медицина ярҙамы етәксеһенә һорауҙарҙы ла ошо уҡ ssmpufa@mail.ru адресына ебәрергә мөмкин, яуап пациенттарҙың электрон почтаһына киләсәк.

Интернет-ҡабул итеү әлегә тест режимында алып барыла, — тип хәбәр итте Өфөләге “Тиҙ медицина ярҙамы станцияһы” муниципаль учреждениеһының матбуғат секретары Олеся Осадчая. —  Беҙ пациенттар менән аралашыуҙың был алымын, Интернет-ҡабул итеүҙәр популярлыҡ алған башҡа төбәктәр тәжрибәһенә таянып, әлегә ҡулланып ҡына ҡарайбыҙ.