9 декабрь, Йома

24 сентябрь 2010 йыл, 15:53

Балалар социаль үҙәге директорына ғәйепләү белдерелде

автор: Ольга Мортазина

Салауат районының «Дуҫлыҡ» балиғ булмаған үҫмерҙәр өсөн социаль-реабилитациялау үҙәге етәксеһенә вазифаһынан файҙаланып енәйәт яһауҙа ғәйепләү белдерелде — директор үҫмерҙәрҙе үҙенең ярҙамсы участкаларында эшсе көсө булараҡ файҙаланған.  

Тикшереү органдары ике вазифауи енәйәт фактын билдәләгән: май башында директор дүрт баланы үҙ әсәһенең баҡсаһына картуф ултыртырға ебәргән, балаларҙы начальниктың ире, туҡмай-туҡмай, ҡарап тороп эшләткән. Май аҙағында тағы ла дүрт үҫмерҙе әсәһенең хужалығына һарайҙан утын ташырға ебәрә.  

Был эштәрҙе тәфтишселәр бер производствоға берләштереп, хәҙер тикшереү дауам иттерелә һәм ғәйепләү күләме билдәләнә.