8 декабрь, Кесе йома

24 сентябрь 2010 йыл, 13:26

БР Мәғарифты үҫтереү институты уҡытыусылар өсөн сираттағы интернет-педсовет үткәрә

автор: Эльмира Сабирова

Башҡортостан Республикаһы Мәғарифты үҫтереү институты башланғысы менән әҙерләнгән интернет-педсовет дүшәмбе, 27 сентябрҙә, асыласаҡ. Сираттағы виртуаль форум уҡытыусыларҙың һәм мәғариф йәмәғәтселегенең иғтибарын уҡытыусылар — һөнәри конкурстар еңеүселәренең алдынғы тәжрибәһен дөйөмләштереү һәм таратыу перспективаларына һәм проблемаларына йүнәлтә.  Педсоветты ойоштороусылар әйтеүенсә, был тема көнүҙәк һәм кәрәкле, сөнки тармаҡҡа яңылыҡтарҙы индереү аныҡ кешенән – уҡытыусынан, уның профессиональ потенциалынан тора.

Интернет-педсоветта ҡатнашыу өсөн http://irorb.ru/ адресы буйынса Мәғарифты үҫтереү институты сайтында теркәлергә кәрәк.

Форум теүәл бер аҙнанан, 4 октябрҙә, тамамланасаҡ.

темалар: мәғариф