8 декабрь, Кесе йома

22 сентябрь 2010 йыл, 16:13

«КамАЗ» менән бәрелешеү үлемесле булмаған

автор: Ольга Мортазина

Әбйәлил районында ВАЗ-2108 машинаһының воодителе, тиҙлеген арттырып, юлдың икенсе яғына сыға һәм ҡаршыға килгән «КамАЗ» йөк машинаһы менән бәрелешә. Ғәҙәттә, бындай авариялар насар тамамлана – ҡағиҙә булараҡ, еңел автомобилдәге кешеләр һәләк була.  Әммә был юлы еңел машинаның 24 йәшлек водителе лә, һәм уның ике пассажиры ла иҫән ҡалған – йәрәхәттәр менән улар дауаханаға оҙатылған.

Юғары тиҙлек яратыусылар һаман да үҙенең көсөн дөрөҫ баһаламай. Мәҫәлән, Шишмә районында «Шевроле Ланос» түңкәрелгән — сит илдә етештерелгән машина юлдан сығып осҡан һәм әйләнгән. Водитель төрлө йәрәхәттәр алған.

Дөйөм алғанда уҙған тәүлектә 10 юл-транспорт фажиғәһе булған, уларҙа 12 кеше тере ҡалған, әммә тән йәрәхәттәре алған,  тип хәбәр итә БР буйынса Эске эштәр министрлығының ЮХХДИ идаралығы матбуғат хеҙмәте.