3 декабрь, Шәмбе

22 сентябрь 2010 йыл, 12:17

Учалының "Горняк" командаһы Владикавказда кубок имтиханы үтә

автор: Дмитрий Слезин

Бөгөн, 22 сентябрь, – Башҡортостан, атап әйткәндә, Учалы футболында тарихи көн. Башҡортостандың бәләкәй генә ҡалаһынан «Горняк» үҙ тарихында тәүге тапҡыр футбол буйынса Рәсәй кубогының 1/8 финалында уйнаясаҡ.  

Владикавказда «шахтерҙарҙы» премьер-лигала 13-сө урынды биләүсе һәм иң көслөләр сафында ҡалыу өсөн теше-тырнағы менән көрәшеүсе урындағы «Алания» ҡабул итәсәк.  

Хәтерегеҙгә төшөрәбеҙ, ватан футболының бер грандын учалылар ил Кубогынан сығарҙы ла инде – бынан алдағы этапта Мәскәү «Локомотив»ы «рельстан сыҡты».

Владикавказда Башҡортостандан ҡыйыу клубҡа етди ҡарайҙар. Матч Мәскәү ваҡыты менән 16 сәғәттә башлана.